Studentët e Fakultetit të Shkencave Kompjuterike (FSHK), Universiteti “Ukshin Hoti” në Prizren, po dëshmojnë talentin dhe përgatitjen e tyre duke marrë pjesë në një varg hackathon-esh të rëndësishme brenda dhe jashtë Kosovës.

Në këto gara kreative dhe sfiduese, studentët tanë – si  Alpet Gexha, Edin Grazhda, Sibora Berisha,, Çlirim Allaqi, Enes Shehu, Poema Karjagdiu, Raes Zogaj, Sufjan Misini, dhe Dionesa Bytyci – kanë prezantuar ide dhe zgjidhje të reja teknologjike, duke u shpërblyer me vende të rëndësishme dhe mundësi profesionale.

ExMachina – studentët tanë u shpërblyen me vendin e 2-të, dhe disa prej tyre fituan edhe mundësi pune dhe internship në kompaninë Sentry.

HackaVers – studentët e FSHK-së prezantuan aplikacionin Diagnothink, një asistent inteligjent shëndetësor, dhe u rendit në vendin e 3-të.

MerrBio – studentët zhvilluan një platformë që lidh fermerët vendas me konsumatorët, duke fituar vendin e 4-të në finale.

Cyber Security Challenge Kosova & Albania – në kualifikime arritën vendin e 6-të, ndërsa në finale siguruan vendin e 5-të, duke dëshmuar afters të larta në siguri kibernetike.

International Cybersecurity Defense Challenge 2025 – studentët e FSHK përfaqësuan Kosovën në këtë garë ndërkombëtare, organizuar në bashkëpunim me Iowa State University dhe institucionet e sigurisë nga SHBA dhe Kosova.

Junction ITP Prizren dhe JunctionX Tirana – pjesëmarrje me projekte inovative, duke fituar përvojë të vlefshme dhe duke prezantuar talentin e studentëve tanë në skenë rajonale.

Këto arritje janë dëshmi e punës së palodhur të studentëve dhe përkushtimit të stafit akademik për të mbështetur talentin e tyre. Universiteti “Ukshin Hoti” dhe FSHK janë krenarë për sukseset e arritura dhe do të vazhdojnë të inkurajojnë studentët në garat e ardhshme.