Bazuar në Rregulloren për mobilitet të studentëve në Universitetin “Ukshin Hoti” Prizren me nr.prot. 01/675/A të datës 29.12.2022 dhe në kuadër të ICM ERASMUS projektit me Linnaeus University në Suedi që ka Fakulteti i Shkencave Kompjuterike, Fakulteti i Shkencave Kompjuterike në mbledhjen e mbajtur me date 06.03.2025 miratori hapjen e thirrjes për dy pozita për një semestër studime në Linnaeus University për semestrin dimëror 2025-26 për të gjitha nivelet e studimit.

Ju njoftojmë se është hapur thirrja për aplikim për shkëmbim të studentëve për vitin akademik 2025/2026 (Gusht 2025 deri Janar 2026) e cila ju krijon mundësinë studentëve të studiojnë në këtë Universitet për një semestër (semestri dimëror 2025-26).

Thirrja dedikohet për studentët e Fakultetit të Shkencave Kompjuterike të cilët do ndjekin vazhdimin e studimeve edhe për 1 (një) semestër në Fakultetin e Teknologjisë në Linnaeus University.

Pas përfundimit të studimeve 1 (një) semestrale studentët kthehen në UPZ dhe bëhet njohja e kredive të fituara në Universitetin ku ka vijuar studimet.

Vendet e lira janë 2 (dy) pozita në nivelin e studimeve BACHELOR apo MASTER

Kushtet:

• Të jetë student i rregullt në nivelin e studimeve bachelor apo master në FSHK;
• Të ketë note mesatare mbi 8;
• Afati për aplikim është deri më date 17.03.2025 (aplikimi duhet të bëhet te referentja e FSHK-së);
• Të drejtë aplikimi kanë të gjithë studentët e nivelit bachelor dhe master.

Dokumentet për aplikim:

1. Çertifikata e lindjes;
2. Transkripta e notave;
3. Dëshmi për njohjen e gjuhës angleze.

Pagesa e shkollimit, qëndrimit, jetesës dhe udhëtimit janë të mbuluara nga projekti ERASMUS+ me të cilën Fakulteti i Shkencave Kompjuterike është përfituese.

Fakulteti i Shkencave Kompjuterike do të formoj komisionin i cili do të bëjë përzgjedhjen e studentëve përfitues dhe listën e studentëve ja dërgon Këshillit të Fakultetit për miratim.

Afati i aplikimit është deri me date 17.03.2025, dokumentacioni i aplikimit dorëzohet te zyrtarja për shërbimin e studentëve në Fakultetin e Shkencave Kompjuterike.

Në linkun në vijim mund të gjeni lëndët që mund ti ndjekin gjatë studimeve https://lnu.se/en/education/exchange-studies/courses-and-programmes-for-exchange-students/?semester=Autumn+2024

Informatat lidhur me shkëmbimin e studentëve mund të gjeni në linkun: https://lnu.se/en/education/exchange-studies/

Kalendari akademik: https://lnu.se/en/education/study-at-linnaeus-university/academic-calendar/

Për detajet do të njoftoheni pas përzgjedhjes tuaj!