“Me datën 09.02.2024, Fakulteti i Shkencave Kompjuterike, në bashkëpunim me “Global Engineer Girls Kosovo” (GEG), ka organizuar një sesion informues për studentët e këtij fakulteti. Përmes këtij aktiviteti, studentët kanë pasur mundësinë të marrin njohuri të reja rreth bursave, trajnimeve, mentorimit, praktikave dhe mundësive karriere të ofruara nga Global Engineer Girls Kosovo, duke u inkurajuar kështu të eksplorojnë dhe të angazhohen në këtë fushë me shumë potencial dhe mundësi për zhvillim personal dhe profesional. Prezantuesi i këtij sesioni ishte Z . Bujar Gashi  nga “Nga Zyra me mardhenie me publikun” (Limak Kosovo International Airport J.S.C, Prishtina International Airport ‘Adem Jashari). Tashmë, studentët e Fakultetit të Shkencave Kompjuterike kanë mundësinë të jenë përfitues të këtyre bursave, praktikave profesionale, programeve të mentorimit dhe aktiviteteve të tjera të ofruara nga Global Engineer Girls Kosovo.”